站内搜索: 

当前位置:首页>>泉州人文

阮是小小浔埔女


郑剑文



阮是小小浔埔女,

阮厝惦治大海墘;

海鸟飞来阮身边,

妆甲水水卜过年。


阮是小小浔埔女,

人叫阮母浔埔姨;

担鱼担虾入鱼市,

头顶簪花圆又圆。


阮是小小浔埔女,

阮爸行船讨海去;

好风好水好流时,

好鱼好虾好生意。


阮是小小浔埔女,

阮的大厝蠔壳起;

大家讲伊真值钱,

游客说是野稀奇。


阮是小小浔埔女,

阮厝门口看搬戏;

桃花搭渡真趣味,

大人简仔笑眯眯。